Juan Garzia Garmendia
Ez dun biderik atzera,
biziak bultza baitegin,
ulu luze baten gisa, atergabea.
Noizbait etsiak hau joko;
galdurik, bakarrik, noizbait
beharbada damutuko jaio izana.
Ez geratu inoiz bazter,
bide ondoan ez esan:
«Ezin dut gehiago, kito, hementxe planto».
Bizi eder bat daukan zain;
saminak samin, ez dun hik
lagunik faltako, maite, lagun maiterik.
Gizon bakar bat, emakume bat,
hola harturik, banaka,
hauts ditun besterik gabe, ez ditun ezer.
Oroit hadi, bada, beti,
hiretzat direla hitzok,
hi gogoan, hi gogoan bururatuak.
Palabras para Julia (José Agustín Goytisolo)
31 eskutik 